Shkëlzen Gashi ishte një ndër më të mirët në fushë për skuadrën e Aaraut në fitoren 3-0 ndaj Uinterthurit, që i dërgoi ata në fazën gjysmëfinale të Kupës së Zvicrës.

Ish-sulmuesi i Kombëtares shqiptare ka shënuar golin e tretë të takimit si dhe asistuar në golin e dytë për të tijtë.

Aarau me këtë fitore të pastër ka siguruar një biletë për në turin tjetër të këtij kompeticioni, duke qenë mes katër skuadrave me të mira që do të diskutojnë këtë trofe dhe shpërblimet që vijnë prej tij.

Gashi herë pas here rigjen rrugën e rrjetës duke treguar se nuk e ka humbur nuhatjen e golit. Asisti i golit të dytë nga shqiptari u dha në minutën e 41-të dhe golin e shënoi në të 49-ën.