Trajneri i Benfica-s, Jorges Jesus, i tha lojtarit të tij Rubes Dias se po largohet për të shkuar tek një ekip i vogël,  pas transferimit të tij tek Manchester City.

Jesus, i cili është i njohur për të qenë shumë i hapur dhe që flet pa doreza, bëri një mbledhje të ekipit gjatë lamtumirës në lot të Dias.

Mai do të transferohet në Etihad për 64 milionë paund. Teksa lojtarët e Benfica-s ishin mbledhur të gjithë në dhomat e zhveshjes, Jesus mori një moment për t’i uruar më të mirën lojtarit 23-vjeçar.

“Ruben po largohet, e shohim që si lojtar është brilant, ka një të ardhme të ndritur. Po largohesh nga një klub i madh, më i madh se Manchester City, vetëm se ata kanë më shumë para, dhe kjo bën diferencën,” tha trajneri.