Sfida e parë e Shqipërisë në Ligën e Kombeve kundër Bjellorusisë më 4 shtator i është besuar arbitrit suedez, Kristofer Karlson.
36-vjeçari ka marrë stemën e FIFA-s që prej vitit 2018, ndërsa ka arbitruar në total në Suedi 203 ndeshje. Ai nisi karrierën në vitin 2006.
Për sa i përket ndeshjeve në kompeticionet e futbollit europian, ai ka vendosur drejtësinë në 10 takime.
Suedezi nuk karakterizohet si gjyqtar i rreptë dhe i ashpër, pasi ka akorduar në 260 takime në karrierë 896 kartonë të verdhë (mesatarisht 3.4 kartonë të verdhë për ndeshje) dhe 24 herë kartonin e kuq.
Karlson do të ketë ndihmën e kolegëve bashkëkombës, Daniel Gustavson, Maks Robin Uajld (arbitra anësorë), ndërsa Fredrik Klit është caktuar si gjyqtar i katërt.
Takimi luhet në orën 20:45 në Stadiumin Olimpik Kombëtar të Dinamos në Minsk.
© SYRI.net
Bëje LIKE dhe merr lajmin e fundit nga Sporti: