Valon Et’hemi pak ditë më parë njoftoi largimin nga Kukësi, aty ku ai luante prej 3 vitesh.

Talenti 22-vjeçar ka vendosur të vazhdojë karrierën e tij futbollistike në Poloni, aty ku do të luajë me skuadrën e Zaglebie Lubin. Ditën e djeshme futbollisti ka kryer vizitat mjekësore me këtë skuadër, teksa shumë shpejt pritet të vijë edhe zyrtarizimi.

Kujtojmë se Et’hemit i kishte përfunduar kontrata me skuadrën e Kukësit dhe vendosi ta mbyllë këtu aventurën me verilindorët. Por edhe pse iku si lojtar i lirë, Kukësi nuk ka dalë duarbosh nga kjo lëvizje e futbollistit.

Kjo për shkak se lojtari nuk i ka mbushur ende 23 vjeç dhe Kukësi mund të marrë një shumë parash në formën e taksës së formimit, i ndihmuar nga rregullat e FIFA-s. Kështu, verilindorët do të përfitojnë 60 mijë euro për dy vitet që e mbajtën e Et’hemin në skuadër.

?? Valon Ethemi na testach medycznych w Zag??biu Lubin

22 - letni Alba?czyk, który posiada równie? obywatelstwo Macedonii Pó?nocnej, przechodzi ostatnie badania przed podpisaniem kontraktu. pic.twitter.com/IPBWWWWeWq

— zaglebielubin (@ZaglebieLubin) August 4, 2020