Tirana u shpall dje matematikisht kampione e Shqipërisë. Bardheblutë përfituan nga humbja e Kukësit me Vllazninë, pasi verilindorët ishin e vetmja skuadër që po mbante disi gjallë shpresat për titull.
Për Tiranën ky ishte titulli numër 25 në historinë e klubit. Festimet kanë qenë nga më të ndryshmet dhe deri në orët e vona nga tifozët bardheblu.
Gjithashtu urimet për këtë sukses kanë qenë të shumta. Mes urimeve ishte edhe ai i klubit shqiptar të Maqedonisë së Veriut, Shkupi.
Klubi i Shkupit uroi Tiranën për një ecuri sa më të suksesshme në eliminatoret e Ligës së Kampionëve.
Gjithashtu edhe tifozët e Shkupit të njohur si “Shvercerat” uruan klubin bardheblu, pasi kanë marrëdhënie mjaft të mira me Tiranën dhe tifozët e saj.
© SYRI.net
Bëje LIKE dhe merr lajmin e fundit nga Sporti: