Futbollistët mund të ndëshkohen nga gjyqtarët me kartonë të verdhë në rast se pështyjnë në fushë pas rikthimit të futbollit, pas pezullimit për shkak të Koronavirusit.
Kjo gjë është bërë e ditur nga drejtori i komitetit të mjekëve në FIFA, Majkëll D’Hug, ai i cili propozon se për të ndaluar këtë veprim, futbollistët duhet të ndëshkohen.
Për shkak të pandemisë globale, e pështyra në fushë do të jetë e ndaluar, për të shmangur në një farë mënyre përhapjen në mase të Koronavirusit.
“Pështyrja është një praktikë e pazakontë në futboll dhe nuk është shumë e pastër. Kur të rikthehet futbolli i luajtur, ne duhet ta shmangim këtë. Mbetet të shihet se sa do të jetë e mundur, në të kundërtën, futbollistët duhet të ndëshkohen me karton të verdhë”, tha D’Hug për “The Telegraph”.
© SYRI.net
Bëje LIKE dhe merr lajmin e fundit nga Sporti: