Në fund të kontratës me klubin e PSG-s, Thomas Meunier është i paqartë në lidhje me të ardhmen e tij. Belgu është ende në pritje të një shenje nga agjenti i tij për një zgjatje të mundshme të kontratës me parisienët, pasi edhe dëshira e tij është të qëndrojë tek klubi francez.
Mirëpo, drejtori sportiv i parisienëve, Leonardo duket se nuk është I interesuar për zgjatjen e kontratës me 28 vjeçarin. I vetëdijshëm se fundi i aventurës së tij me PSG-n po afron, Munier ka hapur dyert për klubet e tjera.
Dhe sipas atyre që raportojnë mediat franceze, klubi i Tottenham ka shfaqur interes për mbrojtësin bleg.
Sipas “L’Equipe”, ka qenë vetë trajneri I Spursave, Jose Mourinho që ka telefonuar futbollistin dhe i ka shprehur dëshirën për ta patur në skuadër.
Nga ana tjetër, Munier duket se është joshur nga fjalimi i Mourinho-s. Mirëpo, tani i takon presidentit të Tottenham, Daniel Levy që të bindë lojtarin që t’i bashkohet klubit anglez në merkaton e ardhshme.
Përveç Tottenhamit, Borussia Dortmund, Inter dhe Napoli po ndjekin me vëmendje zhvillimin e çështjes Meunier.
© SYRI.net
Bëje LIKE dhe merr lajmin e fundit nga Sporti: