Sulmuesi i Interit, Romelu Lukaku po punon për të ndihmuar skuadrën e tij jo vetëm me gola por edhe me asist.

Ylli belg ka folur me ish-sulmuesin e Arsenalit, Thierry Henry, në një lidhje të drejtpërdrejt në Instagram.

“Shënimi i golave është ilaçi im, kjo është ajo që unë jetoj. Por sa më i vjetër që bëhem, tani po përdor inteligjencën time, jam një student i shkëlqyer i lojës”, ka thënë fillimisht Lukaku.

“Mendoj se nëse dua të ndihmoj ekipin tim, duhet të jem i aftë të jap asistime. Nuk mund të jem vetëm shënues. Të gjithë duhet të ndjehen të rëndësishëm”.

“Nëse nuk mund të godas, gjithmonë do të kërkoj pasimin e fundit”, përfundoi belgu.