Real Madridi ditën e sotme ka prezantuar yllin brazilian, Reinier, i cili mbetet transferimi i vetëm i madrilenëve gjatë merkatos së janarit.
Talenti la Flamengon këtë merkato dimri, për të bërë hapin e madh të karrierës, duke u transferuar në “Santiago Bernabeu”.
Sulmuesi tha se ëndrra e tij i është bërë realitet dhe se dëshiron të jetë pjesë e historisë së mrekullueshme të klubit spanjoll.
“Jam duke e jetuar ëndrrën time të fëmijërisë, dua të jem pjesë e historisë së mrekullueshme të këtij klubi. Sot është një ditë shumë e madhe dhe e lumtur për mua. Hala Madrid”, tha Reinier teksa i rridhnin lotët gjatë prezantimit të tij si lojtar i Real Madridit.
Pak momente pasi u prezantua para mediave, Reinier e veshi fanellën e famshme të bardhe për herë të parë dhe u mirëprit në fushë nga një grup i zgjedhur i tifozëve.
Reinier i ka kushtuar madrilenëve 30 milionë euro dhe kjo shumë mund të shtohet edhe me 5 të tjerë, në varësi të paraqitjeve të yllit brazilian.
Momentin kur Reinier preket mund ta shihni në minutën 17:03 të videos më poshtë:
© SYRI.net
Bëje LIKE dhe merr lajmin e fundit nga Sporti: