Ditën e premte në orën 19:00, kryeqyteti do të shijojë sfidën mes Partizanit dhe Tiranës.
Ndeshja është përcaktuar të luhet në impiantin e ri Kombëtar, “Air Albania Stadium”.
Siç bën të ditur vetë klubi i Partizanit, pavarësisht se çmimet e biletave janë të larta deri në mesditën e të enjtes janë shitur 7000 mijë bileta.
Radha e tifozëve që presin për të blerë një biletë është e gjatë sidomos në biletarinë pranë stadiumit Selman Stërmasi dhe shifra 8000 mijë bileta pritet të kalohet që ditën e sotme.
Interesim i jashtëzakonshëm për derbin e kryeqytetit do të luhet në stadiumin e ri që ka një kapacitet prej 21 650 vendesh.
Tribunat ku janë shitur më shumë bileta deri tani janë ato prapa porte ku çmimi është më i lirë vetëm 500 lekë të reja.
Ja reagimi i klubit të Partizanit:
© SYRI.net
Bëje LIKE dhe merr lajmin e fundit nga Sporti: