Tek Juventus gjërat nuk po shkojnë në mënyrën e duhur.
Kjo u pa dhe në ndeshjen e mbrëmshme mes Juventusit dhe Lazios, ku protagonist të një debati të nxehtë ishin Cuadrado dhe Bonucci.
Në momentin e kartonit të kuq nga ana e arbitrit Majkëll Fabri, anësori kolumbian ishte shumë i nervozuar me kryesorin e takimit, si rrjedhojë edhe e një ndërhyrjeje shumë të rëndë që ai kishte pësuar në pjesën e parë, por që “bilbili” nga Ravena la lejimin e lojës, edhe pse pamjet e përsëritura treguan se ndërhyrja në kavilje ishte shumë e ashpër.
Mezza rissa tra Cuadrado e Bonucci. pic.twitter.com/FTmXr0UmUW
— Veronique9 (@Orli1983) December 7, 2019
Gjithsesi, ajo që bëri jehonë në median italiane është fakti se mes Bonuccit dhe Cuadrados duket se gjakrat kanë kohë që janë nxehur, sepse në momentin që amerikano-jugori po protestonte, kapiteni i vuri dorën në gojë, por aty erdhi edhe një reagim shumë i ashpër, një goditje nga ana e Cuadrados ndaj mbrojtësit, që më pas u nda nga lojtarët e tjerë.
Një skenë e tillë duket e përsëritur, duke qenë se edhe në tunel, pas ndeshjes së parë të fazës së grupeve, që Juventusi barazoi 2-2 ndaj Atletikos së Madridit, në Champions, kishte pasur shkëndija mes Bonuccit dhe Cuadrados dhe pa dyshim që ky tension i përsëritur lë një enigmë të madhe për t’u mësuar më konkretisht.
© SYRI.net
Bëje LIKE dhe merr lajmin e fundit nga Sporti: