Sulmuesi i Kosovës, Milot Rashica ka pasur në muaj (nëntor) mjaft të mirë nga kampionatin gjerman me skuadrën e Werder Bremen.
‘Whoscored’, faqe e specializuar për statistika, ka publikuar formacionin më të mirë të muajit nëntor në Bundesligë.
Në këtë formacion, pjesë e të cilit është edhe Robert Lewandowski, një vend e ka zënë edhe ylli i Kosovës, Milot Rashica.
Rashica për paraqitjet në muajin nëntor është vlerësuar me notë 7.88, duke qenë lojtari i katërt më i vlerësuar në këtë formacion.
Timo Werner i RB Leipzig me notën 8.82, është lojtari më i vlerësuar, që lë pas Nkunkun dhe Lewandowskin.
Kujtojmë se Rashica në ndeshjen e fundit në Bundesligë, ka shënuar dy gola në fitoren shumë të rëndësishme të Werderit ndaj Wolfsburg, me rezultat 2:3.
© SYRI.net
Bëje LIKE dhe merr lajmin e fundit nga Sporti: