Diego Simeone nuk e fsheh admirimin që ka për Lionel Messin.

Messi ishte autori i golit të vetëm në takimin që Barcelona zhvilloi të dielën në mbrëmje ndaj Atletico Madrid, duke i dhënë kështu tre pikët skuadrës së tij.

Pas ndeshjes trajneri i “Los Colchoneros” Simeone u pyet nga gazetarët për ndjenjën që pati pas golit që shënoi “Pleshti”: “Me një gol të tillë e vetmja gjë që mund të bësh është të duartrokasësh”, ishte përgjigja e Simeones.

Ditën e sotme në rrjet kanë qarkulluar pamjet e veprimit të Simeones pas golit të shënuar nga Messi dhe ajo që shihet është që trajneri e ka duartrokitur vërtetë golin e Messit.