Pas dramës që pësoi në turin e parë në Champions, Shkëndija e Tetovës vijon të zhgënjejë edhe në Europa League.
Skuadra e njohur shqiptare ka pësuar një tjetër disfatë, këtë herë nga skuadra e Luksemburgut, Dudelange e cila fitoi me përmbysje 2-1.
Në stadiumin “Todor Proeski” të Shkupit, Dudelange fitoi me përmbysje falë dy golave të shpejtë të Bettaieb (64') dhe Sinani (penallti 68'), shkruan SYRI.net.
Në minutën e 64-t, pas një gafe të portierit Rexhepi, futbollisti i Dudelanzh, Betaieb, barazoi shifrat ndërkohë që në minutën e 68-të.
Ishte futbollisti me origjinë shqiptare, Daniel Sinani, i dhuroi fitoren skuadrës së tij, duke shënuar nga pika e bardhë e penalltisë.
Vlen të theksojmë që golin e vetëm për Shkëndijën e realizoi Agim Ibraimit i cili nuk gaboi nga pika e bardhë e penalltisë.
Takimi i kthimit ndërmjet dy skuadrave do të luhet një javë më pas, respektivisht më 30 korrik.
© SYRI.net
Bëje LIKE dhe merr lajmin e fundit nga Sporti: