Sherifi i Tiraspolit, ku aktivizohet edhe shqiptari Liridon Latifi, po bën një çmenduri në ndeshjen e kthimit në turin e parë të Champions League.
Teksa në shtëpi, në takimin e parë, ishte mundur me shifrat 0-3 nga Saburtalo Tbilisi, janë moldavët që kanë shënuar plot 3 herë për 11 minuta, duke barazuar momentalisht shifrat.
I pari në fakt, që shënoi golin e zhbllokimit, ishte Latifi, që në minutën e 3-të.
Në një aksion të gjatë, topi shkoi në mesin e zonës së gjeorgjianëve, dhe Latifi nuk fali duke e shtyrë atë në fundin e rrjetës.
Goli i dytë ishte një autogol në minutën e 8-të, ndërsa në të 10-tën, ishte Tambe që shënoi.
Kujtojmë që nëse Sherifi kalon në turin tjetër, mund të ndeshet me Partizanin ose me Qarabagun.
© SYRI.net
Bëje LIKE dhe merr lajmin e fundit nga Sporti: