Si rrallëherë më parë, Bayern Munchen ka filluar të shpenzojë shuma të konsiderueshme në merkato.

Mbrojtësit Pavard dhe Hernandez i kushtuan klubit bavarez mbi 100 milionë euro, ndërsa priten dhe blerje të tjera cilësore.

Në një intervistë për “BILD”, sulmuesi i Bayernit, Robert Lewandowski, u shpreh se i pëlqen kjo strategji.

Nëse dikush vjen, duhet të jetë në gjendje ta na ndihmojë direkt. Nuk kemi kohë të presim dy vite për të zhvilluar një lojtar të caktuar. Kush vjen këtu duhet të rrisë kualitetin e skuadrës. Kemi marrë që tani dy lojtarë shumë të mirë, Pavard dhe Hernandez, dhe jam i sigurt që Bayerni nuk e ka thënë akoma fjalën e fundit”, deklaroi Lewandowski.