Partizani nuk mori më shumë se një barazim 1-1 në ndeshjen e javës së 30-të në Kategorinë Superiore.
Në sfidën e luajtur në “Redi Maloku” u zhvillua një pjesë e parë e qetë dhe pa gola, me pak raste për shënim nga të dy skuadrat.
Me fillimin e pjesës së dytë, në minutën e 55-të Mensah zhbllokoi shifrat, por vetëm 3 minuta më pas, Shehu barazoi rezultatin, ku përfitoi nga një rrëmujë në zonë për të mposhtur portierin Alban Hoxha.
Për Partizanin gjithçka u bë akoma më e vështirë vetëm 60 sekonda më pas, ku Lum Rexhepi u ndëshkua me kartonin e dytë të verdhë, dhe për pasojë me të kuq.
Deri në fund rezultati qëndroi i pandryshuar me Partizanin që pas këtij barazimi shkon në kuotën e 61 pikëve të grumbulluara.
Ndërsa Kastrioti po zhvillon një betejë me Tiranën në zonën e ftohtë të rënies nga kategoria.
© SYRI.net
Bëje LIKE dhe merr lajmin e fundit nga Sporti: