Loret Sadiku ka nënshkruar kontratë të re me skuadrën nga elita e futbollit turk, Kasimpasa.

Skuadra turke përmes një komunikate ka bërë të ditur se Loret Sadiku ka nënshkruar kontratë të re deri në vitin 2020.

Sadiku është pjesë e Kasimpasa që nga viti 2016, ku në Superligën turke deri më tani për këtë skuadër ka regjistruar 42 paraqitje.

Kujtojmë se Sadiku është në një proces ligjor me FIFA-n, ku po kërkon leje për të luajtur për Përfaqësuesen e Kosovës.