Jurgen Klopp nuk e ka fshehur zhgënjimin për finalen e radhës që ka humbur në karrierën e tij, të 6-ën radhazi që nga viti 2012.
Këtë radhë ai kishte mundësi të thyente mallkimin me trofeun më të lakmuar, Ligën e Kampioneve, por gabimet e Loris Karius i dhuruan trofeun Real Madridit.
“Si të mos më vijë keq për lojtarët e mi? Nuk ka shumë për të thënë rreth kësaj ndeshje. E filluam mirë dhe luajtëm fiks ashtu siç donim. Situata e Salah ishte një tronditje e rëndë për ekipin, humbëm atë momentin pozitiv. Pastaj erdhi pushimi i ndeshjes dhe për golat, çfarë të them? Në shënuam një, ata shënuan tre, ky është rezultati.
Di të them që ka dyshime për praninë e Salah në Botëror. Ai do të luante nëse do të mundte. Shkoi në spital, por gjërat nuk duken mirë për të.
Loris (Karius) e di që gaboi, të gjithë e dinë. Është një mëkat në një ndeshje si kjo dhe pas një sezoni të tillë. Më vjen keq për të, është një djalë fantastik. Mendoj se gabimi i dytë ishte pasojë e të parit. Është e vështirë të heqësh mendimet e këqija nga koka.
Goli i Bale ishte i pabesueshëm. Ne bëmë çfarë mundëm, djemtë dhanë gjithçka. Nuk ishte skenari më i mirë i mundshëm për ne. E di që kemi pasur një sezon të shkëlqyer, por tani nuk e ndjej si të tillë. Shkon në finale për ta fituar dhe nëse nuk ia del, ndjen sikur ke dështuar. Ishte një mundësi e mirë për ne dhe nuk e shfrytëzuam. Nuk ka gjë tjetër për të thënë”, deklaroi Klopp para gazetarëve.
© SYRI.net
Bëje LIKE dhe merr lajmin e fundit nga Sporti: