Kapiteni i Real Madridit, Sergio Ramos, është i lumtur me rezultatin nga ndeshja e parë gjysmëfinale në Champions League, por thotë se ende s’ka përfunduar asgjë dhe se i pret një ndeshje e vështirë në “Santiago Bernabeu”.

Mbrojtësi spanjoll pas ndeshjes ka bërë shaka pasi tha se skuadra e tij kishte planifikuar të fitonte me rezultatin 3-0.

“Jemi paksa të zhgënjyer (qesh). Prisnim që të fitonim 3-0, por e dinim se do të jetë e vështirë”, u përgjigj me shaka Sergio Ramos.

“Kjo është Liga e Kampionëve dhe ne e shijojmë këtë, sidomos përballjet me ekipe të mëdha”, përfundoi ai.