VIDEO-SYRI TV/ Dëmtohen kamerat në fshatin turistik, pikëpyetje mbi cilësinë e punimeve

Kamerat e sigurisë të vendosura në fshatin Tushemisht në Pogradec janë dëmtuar një muaj pas përfundimit të punimeve. Ndërhyrja e në punime e kryer me mjete provizore, ngre pikëpyetje mbi cilësinë e punimeve dhe qëndrueshmërinë e investimit në kohë.

SYRI TV

Investimi për vendosjen e kamerave të sigurisë në fshatin turistik të Tushemishtit ka nisur të shfaqë problematika serioze, vetëm pak muaj pas përfundimit të punimeve. Një pjesë e pajisjeve janë dëmtuar, ndërsa në terren evidentohen edhe shtylla të thyera apo të amortizuara.

Ky investim, i realizuar nga Fondi Shqiptar për Zhvillim, përfundoi në muajin korrik të këtij viti dhe parashikonte vendosjen e 58 shtyllave përgjatë një segmenti prej rreth 1.2 kilometrash. Shtyllat janë të pajisura me kamera inteligjente sigurie, ndriçim publik, sistem wireless dhe elementë muzikorë.

Megjithatë, vetëm disa muaj pas përfundimit të projektit, në pjesën më të madhe të tyre janë shfaqur dëmtime teknike dhe strukturore. Në disa raste është konstatuar se janë kryer ndërhyrje riparimi me mjete provizore, çka ngre pikëpyetje mbi cilësinë e punimeve dhe qëndrueshmërinë e investimit në kohë.