Shqiptarët në të gjitha trojet festuan 28 Nëntorin, Ditën e Pavarësisë, dhe Prizreni si gjithmonë, u mbështoll me ngjyrat kuqezi. Atmosfera festive u ndje në çdo cep të qytetit historik, nga lokalet e ngrohta deri te rrugicat e gurta që u mbushën me flamuj e muzikë.

Në një prej lokaleve të Prizrenit, festa mori një tjetër dimension simbolik: kamerierët shërbyen kafe me plis të bardhë në kokë, të zbukuruar me shqiponjën dykrenare. Një gjest i thjeshtë, por plot krenari, që u përcolli klientëve urimin për 113-vjetorin e Pavarësisë së kombit shqiptar – ashtu siç e festojnë shqiptarët kudo në trojet tona.

Mes aromës së kafesë dhe atmosferës së gjallë të qytetit, ky detaj i vogël u shndërrua në një përshëndetje të madhe për Ditën e Flamurit.

Gëzuar 28 Nëntorin, festën e flamurit, lirisë dhe unitetit shqiptar!