Lagja ‘Zinxhira’ ne qytetin e Gjirokastrës është kthyer prej muajsh në një vatër të rrezikshme infeksionesh, mes mbetjeve urbane dhe inerteve ndërtimore.

Banorët e zonës denoncojnë se mbeturinat grumbullohen në mënyrë te vazhdueshme nga vetë komuniteti, dhe neglizhenca e autoriteteve.

Sipas banorëve, ndërmarrja e shërbimeve publike nuk ofron një pastrim të rregullt të zonës.

Në vend që të pastrohen mbeturinat, ato mbulohen me inerte ndërtimore duke e kthyer territorin në një vendgrumbullim të dyfishtë, te papërshtatshëm dhe të dëmshëm për shëndetin.

Banorët kërkojnë , pastrime periodike dhe ndalimin e depozitimit të inerteve në të njëjtin vend me mbetjet urbane.

Në pritje të një zgjidhje nga institucionet, këtyre fundit ju mbetet vetëm të përballen çdo ditë me erën e rëndë të mbeturinave, tymin toksik dhe rrezikun për shëndetin.