Një tjetër vatër pozitive e Murtajës së Ruminantëve të Vegjël (PPR) është identifikuar në fshatin Zall Bastar të Tiranës. Sëmundja, që është e njohur për ndikimin shkatërrues te dele dhe dhi, ka shpërthyer në disa ferma, duke përhapur shqetësim tek fermerët dhe blegtorët në zonë.

Deri tani, autoritetet kanë konfirmuar 8 ferma të prekura në 6 vatra shpërthimi, dhe për të parandaluar përhapjen e sëmundjes, kafshët e infektuara po asgjësohen sipas protokolleve strikte veterinare.

Veprimet që po ndërmerren:
Shërbimi Veterinar është në terren dhe po ofron mbështetje të plotë për fermerët duke realizuar:
 Marrjen e mostrave për analiza
 Monitorimin e vazhdueshëm të gjendjes shëndetësore të kafshëve

 Informimin dhe ndërgjegjësimin e fermerëve mbi simptomat e mundshme të PPR-së, si:

Temperatura e lartë

Rrjedhje nga hundët dhe sytë

Diarre

Vështirësi në frymëmarrje

Ulje të oreksit

Përkrahja e fermerëve:
Veterinerët janë të gatshëm të ofrojnë mbështetje të menjëhershme për çdo rast dyshimi dhe janë të angazhuar për të parandaluar përhapjen e mëtejshme të sëmundjes. Bashkëpunimi i fermerëve është jetik për mbrojtjen e blegtorisë shqiptare dhe ndalimin e përhapjes së Murtajës së Ruminantëve të Vegjël.