Pasiguria ushqimore në vendin tonë është në nivele alarmante. Qytetarët shqiptarë janë gjithnjë e më të pasigurt lidhur me ushqimet që konsumojnë, sidomos pas njoftimeve për prani të pesticideve në shumë ushqime që përdoren për konsum të përditshëm.
Për Syri Tv ata shprehen se ushqimet e pakontrolluara përbëjnë shqetësim dhe rrezik për organizmin e tyre.
Ekspozimi i vazhdueshëm dhe konsumimi për një kohë të gjatë i ushqimeve me prani pesticidesh është shkak edhe për shfaqjen e sëmundjeve kancerogjene. Kështu bën me dije mjekja onkologe Kleida Mati, e cila tregon se këto sëmundje janë në rritje dhe po shfaqen edhe tek moshat e reja.
Sipas mjekes onkologe Kleida Mati, përveç ushqyerjes ka edhe faktorë të tjerë që ndikojnë në shfaqjen e sëmundjeve kancerogjene, siç është duhanpirja apo ndotja e ajrit.
Pasiguria ushqimore në vendin tonë por edhe stili i jetesës po kthehen në rrezik për qytetarët, ndaj ekspertët e shëndetit bëjnë apel për të treguar kujdes e për t’u orientuar drejt një mënyre jetese të shëndetshme, duke shmangur veset e këqija dhe duke u ushqyer shëndetshëm.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Këto ilaçe t’i bëjnë këmbët si balerinë', si përballen të moshuarit me dezinformimin?
SYRI TV/ Gruri drejt zhdukjes në Lushnje dhe Divjakë, fermerët po heqin dorë nga kultivimi
Kushte atmosferike të qëndrueshme, parashikimi i motit për sot