SYRI TV/ Broshka një tjetër fshat i shpopulluar, banorët: Nuk ka rrugë dhe punë, askush nuk kujtohet për ne

Fshati Broshkë në Elbasan tashmë i shtohet listës së zonave të shpopulluar në vend. Banorët shprehen se mungesa e punës, apo edhe investimeve në infrastrukturë ka detyruar të rinjtë që të largohen jashtë vendit.

Sipas tyre qeveria nuk kujtohet për ata dhe e vetmja mënyrë për të jetuar në këtë fshat për banorët që kanë mbetur është bujqësia.

Shkak për largimin e të rinjve sipas banorëve është mungesa e punësimit për ta si dhe nje infrastrukture e amortizuar, e teksa askush nuk kujtohet për ta.

Banoret shprehen se ujin e sigurojnë me puse, teksa e vetmja mënyrë jetese për te moshuarit e mbetur ne fshat eshte mbjellja e zarzavateve ne oborr teksa shpresat i kane tek fëmijët jashtë vendit pasi qeveria nuk u ka dhënë asnjë mundësi për te jetuar.