Aksi rrugor që lidh Fushë- Milotin me fshatrat e Kurbinit është në gjendje të degraduar. Banorët fajësojnë bashkinë që prej vitesh nuk ka bërë asnjë ndërhyrje në rrugë, ndërsa kanë paralajmëruar protesta deri në bllokim të autostradës Laç – Lezhë.

Nga SYRI TV

Ky aks rrugor është një nyje e rëndësishme, pasi lidh zonën e Fushë-Milotit, me disa fshatra të tjerë të Kurbinit. Në kushtet në të cilën ndodhen rruga, të braktisur tërësisht nga bashkia, banorët e Fushë-Milotit kanë paralajmëruar protesta deri në bllokim të autostradës Laç-Lezhë.

Për gjendjen e aksit rrugor, banorët fajësojnë firmën që merr inerte në lumin Mat, ndërsa kërkojnë nga Autoriteti Rrugor ndërhyrje të menjëhershme.

Segmenti rrugor me gjatësi 3 km ka pësuar dëmtime në të gjithë gjatësinë. Asfalti u ka lënë vendin gropave, ndërsa banorët thonë se kjo situatë vijon prej kohësh dhe fajësojnë bashkinë e Laçit për mungesë mirëmbajtje.