Si po e rrisin etjen për alkool influencuesit në rrjetet sociale

Të rinjtë kanë dukshëm më shumë gjasa të ndiejnë dëshirën për të pirë alkool, pasi shohin influencues duke pirë alkool në mediat sociale, sipas një studimi nga Shkolla e Shëndetit Publik Rutgers dhe Universiteti i Harvardit i botuar në JAMA Pediatrics.

Pjesëmarrësit që shikuan postime të tilla kishin 73% më shumë gjasa të raportonin dëshirë të shtuar për të pirë, sesa ata që shikuan video krahasuar me ato pa përmbajtje alkooli.

Për eksperimentin në SHBA, 2,000 të rinj të moshës 18 deri në 24 vjeç u caktuan rastësisht në dy grupe. Të dy grupet panë 20 postime të shkurtra në Instagram, nga ndikues të stilit të jetesës. Një grup pa skena të konsumimit të alkoolit ose imazhe të lidhura me alkoolin, ndërsa burimi i grupit të krahasimit iu paraqit përmbajtje e ngjashme e përditshme nga të njëjtët ndikues pa alkool.

Studiuesit morën parasysh përdorimin e përditshëm të mediave sociale, konsumin e mëparshëm të alkoolit dhe ekspozimin e mëparshëm ndaj reklamave të alkoolit. Efekti ishte veçanërisht i fortë midis pjesëmarrësve, që i vlerësuan ndikuesit si të besueshëm, të cilët kishin gjasa më shumë se pesë herë të raportonin një dëshirë të shtuar për të pirë.

"Asnjë nga videot nuk ishte reklamë e hapur për alkoolin", tha udhëheqësi i studimit Jon-Patrick Allem i Shkollës së Shëndetit Publik Rutgers.

Në vend të kësaj, ato ishin skena delikate të përditshme, si ato që përdoruesit hasin kur shfletojnë platforma të tilla si Instagram ose TikTok, tha ai, duke shtuar se qëllimi i studimit ishte të tregonte se dëshira lindte vetëm pasi shikonte përmbajtjen.

Eksperimenti nuk vërteton nëse dëshira afatshkurtër çon në të vërtetë në pirje. Megjithatë, studimi ofron prova eksperimentale, në një debat rreth rolit të mediave sociale në jetën e të rinjve.

Hulumtimet deri më tani janë përqendruar shumë në kohën e kaluar para ekranit, tha Allem, një metrikë që injoron ndikimin e asaj që shihet. "Bota online ka aftësinë të formësojë sjelljet jashtë linje", theksoi ai.

Autorët thanë se kishte indikacione se përmbajtja digjitale mund të ndikojë në sjelljen e të rinjve. Meqenëse fillimi i hershëm i konsumimit të alkoolit rrit rrezikun e problemeve shëndetësore të mëvonshme, parandalimi duhet t'i kushtojë më shumë vëmendje mediave sociale./ DPA News.