Një lloj i ri i koronavirusit është identifikuar në Qipro, sipas asaj që deklaroi në mediat qipriote profesori i Departamentit të Shkencave Biologjike të Universitetit të Qipros, Dr. Leontios Kostrikis .
Sipas faqes sigmalive.com, Profesori pretendon se ky është mutacioni Deltacron i cili është identifikuar në 25 raste dhe duket se shtamet kanë një sfond gjenetik të mutacionit Delta .
''Ne gjejmë një numër të konsiderueshëm variantesh që janë identifikuar vetëm në Omicron i cili ka dallime nga shtamet e tjera sepse gjenomi i tij ka 30 variante të ndryshme. Nga këto,10 variante të Omicron u identifikuan në incidentet që ne identifikuam në Qipro . Ka interes ndërkombëtar”është shprehur profesor Kostrikis.
Ai shpjegoi se, “25 pacientët tek të cilët u zbulua mutacioni i ri, 11 u shtruan në spital. Incidenca e mutacionit të ri ishte më e lartë te pacientët e shtruar sesa te pacientët ambulatorë. Mund të themi se lidhja e Deltacron me sëmundjet që kërkojnë trajtim nuk është e rastësishme”.
Dr. Kostrikis pohoi gjithashtu se u emërua kështu sepse ka të bëjë me mutacionet e Delta dhe Omicron.
“Ka pasur zëra se një mutacion i tillë është raportuar por nuk është identifikuar në asnjë vend”.
Së fundi, lidhur me mutacionin e ri, Dr. Kostrikis tha se nëse do të mbizotërojë mbi Omicron dhe Delta, është shumë herët për të parë, por sipas analizave të tij, ai beson se ky variant i ri mund të zëvendësojë Omicron.
© SYRI.net