Konfirmohet rasti i parë i mutacionit brazilian të koronavirusit në Greqi.
Sipas informacionit Organizata Kombëtare e Shëndetit Publik (EODY) ky mutacion është gjetur tek një burrë në Athinë dhe procesi i gjurmimit të kontakteve të tij është duke u zhvilluar.
Varianti brazilian u shfaq fillimisht në Manaus, kryeqytetin e shtetit federal të Amazonës, ku vitin e kaluar tre të katërtat e popullsisë u infektuan me variantin e ri të Coronës.
Ky variant mban në vetvete mutacionin N501Y të zbuluar në variantin britanik dhe atë afrikano-jugor si dhe mutacionin E484K të konfirmuar deri tani tek varianti afrikano-jugor.
Gjithashtu deri më tani është mësuar se ky mutacion mund të infektojë sërish edhe personat që e kanë kaluar një herë infektimin me koronavirus.
Kjo hipotezë po vërtetohet me zgjerimin e studimeve për mutacionet e reja që ka pësuar COVID-19.
© SYRI.net