Protesta qytetare kundër qeverisë pritet të vijë edhe sot në Tiranë, ku me mijëra qytetarë do i rikthehen sheshit për ditën e 54-t me radhë duke kërkuar dorëheqjen e panegociueshme e kryeministrit Edi Rama, pas revoltës së tyre paraditen e sotme para Parlamentit.

Protesta nis me mbledhjen në sheshin “Skënderbej” dhe më pas protestuesit pritet të marshojnë drejt Kryeministrisë, duke përcjellë mesazhin e tyre kundër qeverisjes.

Organizatorët kanë bërë thirrje për pjesëmarrje masive, ndërsa kanë deklaruar se protesta do të vijojë çdo ditë deri në realizimin e kërkesave të tyre.

Prej 54 ditësh qytetarët protestojnë kundër politikave të qeverisë, duke kundërshtuar vendimmarrjet që dëmtojnë interesin publik dhe pasuritë e vendit.

Kujtojmë se protesta e sotme para Parlamentit vijoi deri para pak minutash.

Policia ka arrestuar disa prej protestuesve. Qytetarët u dhunuan nga policia, ndaj tyre u hodh ujë djegës dhe disa prej tyre u arrestuan dhe u shoqëruan nga policia.