Sot në Tiranë po zhvillohet protesta mbarëkombëtare, ku qytetarët kanë nisur marshimin nga sheshi “Skënderbej” drejt godinës së Kryeministrisë, nën thirrjet “Rama jep dorëheqjen”.

Protesta e sotme ka bashkuar edhe shqiptarët e diasporës, të cilët janë bërë pjesë e protestës në kryeqytet, duke iu bashkuar qytetarëve nga Tirana dhe qytete të tjera të vendit. Kjo shënon herën e dytë që diaspora merr pjesë në mënyrë të organizuar në një protestë të tillë në Tiranë.

Njëzëri, protestuesit po kërkojnë dorëheqjen e kryeministrit Edi Rama, ndërsa pas mbërritjes në kryeqytet, kolonat e ardhura nga diaspora kanë vijuar lëvizjen në rrugët e Tiranës, duke u bashkuar me marshimin drejt Kryeministrisë.