SYRI TV/ Rama refuzon të japë dorëheqjen, asnjë shenjë reflektimi pas protestës

Kryeministri Edi Rama ka shpërthyer në sulme ndaj qindra mijëra qytetarëve që një ditë më parë rrethuan Kryeministrinë duke kërkuar dorëheqjen e tij. Ndërsa nuk shfaqi asnjë shenjë reflektimi, Rama u përpoq ta paraqesë protestën, që është një revoltë ndaj qeverisjes së tij, si një betejë globale kundër Presidentit të SHBA-ve.

Kryeministri Edi Rama ka refuzuar sërish të japë dorëheqjen, ndërsa nuk ka shfaqur asnjë shenjë reflektimi pas protestës ku qindra mijëra qytetarë rrethuan Kryeministrinë duke i kërkuar të largohet nga detyra. Rama sulmoi sërish qytetarët, duke i fyer dhe duke i cilësuar si turma histerike të varura nga algoritmi.

Ndërsa qytetarët po kërkojnë prej ditësh dorëheqjen e tij, duke e akuzuar për vjedhje, korrupsion dhe pazare personale në kurriz të vendit, Rama u përpoq ta cilësonte protestën si një kauzë globale anti-Trump.

Prej ditësh, Rama është përpjekur të zhvillojë dialog me një përfaqësi të protestuesve, por qytetarët kanë refuzuar bisedimet, duke e cilësuar të panegociueshme kërkesën për dorëheqjen e tij.