Homazhet për Servet Pëllumbin thellojnë ndarjet në PS/ Balluku shkon me ‘grupin’ e saj, Spiropali vetëm

Homazhet për ndarjen nga jeta të Servet Pëllumbit kanë nxjerrë akoma më shumë në pah përçarjet në PS.

Belinda Balluku mbërriti në homazhe me ‘grupin’ e saj parlamentar, të përbërë kryesisht nga deputetët e qarkut të Fierit.

Ajo nuk iu bashkua grupit të deputetëve të PS, të cilët mbërritën veçmas, të kryesuar nga Taulant Balla.

Ndërkohë një tjetër ‘dele e zezë’ në PS mbërriti vetëm në homazhe.

Bëhet fjalë për ish-kryetaren e Kuvendit, Elisa Spiropali, e cila ka sfiduar hapur kryetarin e saj, Edi Rama.