‘Kosova në NATO’/ Berisha: Rezoluta në Kongresin e ShBA, mbështetje e çmuar për paqen në rajon

Kryetari i Partisë Demokratike, Sali Berisha ka reaguar në lidhje me rezolutën në Kongresin e ShBA për anëtarësimin e Kosovës në NATO, duke e quajtur të çmuar për paqen në rajon.

‘Partia Demokratike e Shqipërisë e përshëndet këtë akt si një mbështetje të çmuar për aspiratat euroatlantike të qytetarëve të Kosovës’, shkruan Berisha në Facebook.

Postimi i plotë:

Rezoluta në Kongresin e SHBA për anëtarësimin e Kosovës në NATO: Mbështetje e çmuar për paqen dhe sigurinë në rajon

Të dashur miq,

Këto ditë, kongresmenët Keith Self, Ritchie Torres dhe Mike Laëler paraqitën një rezolutë në Dhomën e Përfaqësuesve për anëtarësimin e Republikës së Kosovës në NATO.

Partia Demokratike e Shqipërisë e përshëndet këtë akt si një mbështetje të çmuar për aspiratat euroatlantike të qytetarëve të Kosovës. Ajo e konsideron anëtarësimin e Kosovës në NATO si:

• Një kontribut të rëndësishëm për paqen, stabilitetin dhe sigurinë e vendit dhe të rajonit tonë.

• Përgjigjen më të vendosur dhe më të merituar ndaj ambicieve të pashuara ruse në rajon.

Me këtë rast, PD falënderon me mirënjohje kongresmenët Self, Torres dhe Laëler për iniciativën e tyre tejet te rendesishme per Kosoven dhe rajonin tone si dhe përfaqësuesit e komunitetit shqiptaro-amerikan në Nju-Jork dhe Teksas për angazhimin e tyre të palodhur në mbështetje të Republikës së Kosovës