Kreu i Partisë Demokratike, Sali Berisha, ka reaguar për zjarrin tek ‘Farmacia 10’ në Tiranë, duke ngritur akuza të forta për cilësinë e ndërtimit.

Në një reagim në rrjetet sociale, Berisha shprehet se pallati ‘u dogj si kasolle kashte’, duke pretenduar se objekti është ndërtuar jashtë çdo standardi.

‘Digjet sikur të ishte kasolle kashte pallati shumëkatësh tek Farmacia 10 i ndërtuar jashtë çdo kondicioni nga klienti i Edi Ramës, Arlis Lena.

Ky ndërtim është denoncuar nga PD në prokurori prej shumë kohësh. Pra është një krim që mbrohet nga shteti.’, shkruan kreu i PD-së Sali Berisha në rrjetet sociale.