Pas marshimit që patën tek AKSHI-t, në atë që njihet si kopshti privat i Edi Ramës, për nga korrupsioni i pamasë që kryeministri Edi Rama bën, protestuesit kanë vijuar përgjatë rrugës së Elbasanit, ku janë drejtuar për nga Parlamenti.
Por ka qenë policia e cila e mobilizuar u ka zënë pritë protestuesve dhe ka hedhur gaz lotsjellës, molotov dhe ujë drejt tyre, duke mos i lejuar të shkojnë drejt Kuvendit.
Ka qenë edhe sekretari i Përgjithshëm i PD, Flamur Noka i cili u ka kërkuar punonjësve të policisë të mos prekin protestuesit dhe të mos i provokojnë ato, por këta të fundit nuk kanë ngurruar t’i dhunojnë me gaz e molotov si dhe ujë.
Molotovët, gazi lotsjellës dhe uji nuk ka kursyer as deputetët e PD, Luçiano Boçi dhe Xhelal Mziu, të cilët janë qëlluar me shkopinj gome nga punonjësit e Policisë së Shtetit, duke i dhunuar ata forcërisht.
Sigurisht policia e vënë nën urdhrat e kryeministrit Edi Rama po gjurmon protestuesit nga pas, duke i sulmuar me gaz lotsjellës e ujë me piper, një tregues ky i frikës së pushtetit nga protestuesit paqësorë.
© SYRI.net
‘Taktika komuniste kundër protestës’, Hasimja: Shqiptarët, brezat e rinj e kanë tejkaluar diskursin ofendues të Ramës…
Udhëtimet e Ramës në Lindjen e Mesme/ Çollaku: Të na tregojë se çfarë transportohej në charter
Skandali i Ramës në Zvicër/ Zagani: Qëndroi në hotelin më të shtrenjtë, ambasadori hante hamburger në rrugë
Denonco
Merrni lajmet më të fundit nga SYRI.net në çdo moment dhe kudo që të jeni!
