Protesta, Berisha mbërrin në selinë blu, pritet me ovacione nga demokratët

Pak para nisjes zyrtare të protestës kombëtare të thirrur nga opozita, kryetari i Partia Demokratike, Sali Berisha, ka mbërritur në selinë blu.

Berisha është pritur me entuziazëm nga qindra simpatizantë dhe mbështetës të PD-së, të cilët i kanë shprehur mbështetjen e plotë për protestën kombëtare opozitare.

Qytetarë të shumtë janë bashkuar edhe përpara Kryeministrisë.

Opozita ka organizuar sot protestën e 4 kombëtare për këtë vit ku kërkohet dorëheqja e kryeministrit Edi Rama, pas skandaleve të shumta të qeverisë socialiste në pushtet, krijimin e qeverisë teknike për ti hapur rrugë zgjedhjeve të lira.