Berisha: Rama tmerrohet nga ajo që po ndodh në Iran! Çdo diktator tronditet kur sheh fatin e diktatorit tjetër

Sali Berisha deklaroi se zhvillimet e fundit në Iran tronditin çdo regjim autoritar, duke përfshirë sipas tij edhe kryeministrin Edi Rama.

Duke komentuar situatën në Iran, Berisha u shpreh se çdo diktator ndjen frikë kur sheh fatin e një diktatori tjetër, ndërsa theksoi se ndryshimi në Shqipëri do të vijë përmes reagimit të qytetarëve dhe jo nga ndërhyrje të jashtme.

Ai shtoi se zhvillimet ndërkombëtare janë një sinjal për regjimet që, siç tha ai, kanë humbur mbështetjen dhe legjitimitetin për të qeverisur.

Deklarata për media:

Berti: Doktor, e ke parë sa i ecën këtij të gjatit, sa herë është keq, ndodh ndonjë gjë si puna e Iranit. Fat qeni ka...

Sali Berisha: Kjo e tmerron atë, se kjo që po ndodh me Iranin është një goditje e merituar e diktaturës teokratike, kurrë miku im mos ndjej keqardhje kur goditen diktatorët.
Ky regjim vetëm dy muajt e fundit ka vrarë 5 mijë të rinj, ndoshta edhe më shumë.
Tani, çdo diktator tronditet kur sheh fatin e diktatorit tjetër.
Unë them se do vijë kush ta qëllojë me Tomahauk, jo, jo, jemi ne qytetarët shqiptarë që do i japim vendin që meriton atij.