‘Aty janë kontratat, koncesionet e tenderat’, Këlliçi: Balluku ruan komandën, Rama nën hyqmin e saj!

Deputeti i PD Belind Këlliçi ka komentuar lëvizjet e fundit në qeverinë e Ramës, teksa përmes një statusi në rrjetet sociale, ligjvënësi lë të nënkutpuar fatkin se kryeministrië mbahet peng nga ish zëvendëësja e tij, Belinda Balluku.

Në statusin e publikuar në rrjetet sociale, Këlliçi shkruan se edhe pas shkarkimit, është Balluku ajo që ruaj komandën, ndërsa Rama mbetet nën hyqmin e saj.

Këtë e argumenton me faktin se siç thekson ligjvënësi demokrat, Balluku ka vënë në krye të dikastereve njerëzit e saj të besuar, pasi aty shton Këlliçi, janë kontratat, koncesionet dhe tenderat.

'Në “ikje” e sipër, Rama u kujdes që të sistemonte dhe ndjesitë personale të Ballukut, duke ja hequr Elisën nga Ministria e Jashtme. Dhe që të jetë krejt e qetë e pa motiv që ta tërheqë këmbën zvarrë, Rama i la Belës dhe paradhomën e tij, duke vendosur Koçiun si zëvendëse. Pra Balluku do ketë një sy dhe aty tek Palloshi i gjatë', shkruan deputeti i PD.

Statusi

Balluku ruan komandën, Rama nën hyqmin e saj!

Kaq i kapur është Edi Rama nga Belinda Balluku, sa edhe pse u detyrua formalisht ta largonte nga drejtimi për shkak të presionit të BE dhe protestave në rritje, e ka siguruar atë që biznesi t’i vijojë normalisht.

Kushdo e vëren se tek energjetika dhe infrastruktura ku janë fondet dhe interesat më të mëdha financiare, Balluku ka ruajtur komandën. Aty janë kontratat, konçesionet, tenderat dhe aty është caktuar i besuari i Belës.

Tek Mbrojtja sërish Balluku ruan komandën, aty ku ka shumë “dashuri” për pronat e ushtrisë, përmes emërimit atje të bashkëpunëtorit të ngushtë të Ballukut.

Influencën tjetër tek Financat e ka të paprekur.

Në “ikje” e sipër, Rama u kujdes që të sistemonte dhe ndjesitë personale të Ballukut, duke ja hequr Elisën nga Ministria e Jashtme.

Dhe që të jetë krejt e qetë e pa motiv që ta tërheqë këmbën zvarrë, Rama i la Belës dhe paradhomën e tij, duke vendosur Koçiun si zëvendëse. Pra Balluku do ketë një sy dhe aty tek Palloshi i gjatë.

Në historinë e këtyre 3 dekadave e gjysëm, asnjë kryeministër nuk ka bërë lëvizje të tilla të diktuara nga zëvendësi. Edhe më militantët e kuptojnë se nuk kemi të bëjmë me magjepsje të Ramës nga Balluku, në atë shkallë sa ai të jetë nën diktimin e saj edhe pse e larguar, edhe pse nën akuzë për korrupsion.

Eshtë e qartë, se aferat ku Edi Rama është i përfshirë janë arsyeja e këtij dorëzimi.

Askush nuk mashtrohet me lëvizje të tilla.

Më të bashkuar, më energjikë, me pasion e dashuri për Shqipërinë mblidhemi nesër në Bulevard, në orën 18:00.