Prapaskenat e shkarkimeve/ Rama shtyu dy herë mbledhjen e qeverisë, Koçiu mbërrin në kryeministri

Albana Koçiu mbërriti mëngjesin e sotëm në kryeministri ku do të zhvillohet mbledhja e qeverisë.

Koçiu vazhdon të mbajë postin e ministres së Brendshme, ndërkohë që një ditë më parë Rama paralajmëroi se ajo do të zëvendësojë Belinda Ballukun si zëvendëskryeministre.

Por zhvillimet e fundit kanë qenë befasuese edhe për kabinetin qeveritar.

Mbledhja e qeverisë ishte njoftuar për t’u zhvilluar pardje.

Megjithatë, kabineti qeveritar nuk u mblodh dhe pati një njoftim tjetër se qeveria do të mblidhej pak përpara mbledhjes së grupit parlamentar socialist.

Megjithatë as kjo nuk ndodhi.

Pasi në orët e vona të pasdites u njoftuan ndryshimet në qeveri, Edi Rama vendosi të mbledhë qeverinë të premten paradite.

Ky skenar në nxitim e sipër i Edi Ramës tregon panikun e tij, ndërkohë që presioni po shtohet mbi të personalisht.

Vetë Belinda Balluku nuk mori pjesë as në mbledhjen e grupit parlamentar një ditë më parë.

Ende nuk dihet se ku ndodhet ajo, ndërsa kreu i opozitës, Sali Berisha ka denoncuar se ajo nuk shkon në shtëpinë e saj prej ditësh.