Ambasada Amerikane në Tiranë bën me dije se sot, e Ngarkuara me Punë, Nancy VanHorn, ka takuar Kryetaren e sapoemëruar të Gjykatës Kushtetuese, Fiona Papajorgji.

Gjatë takimit, VanHorn dhe Papajorgji diskutuan mbi mbështetjen afatgjatë të Shteteve të Bashkuara për institucionet e zbatimit të ligjit në Shqipëri, një mbështetje që, sipas Ambasadës, ndihmon në avancimin e prioriteteve të Presidentit Donald Trump, përfshirë çmontimin e rrjeteve të narkotrafikut dhe krijimin e kushteve të barabarta për bizneset amerikane.

Njoftimi i plotë:

Sot, e Ngarkuara me Punë Nancy VanHorn përgëzoi Kryetaren e sapoemëruar të Gjykatës Kushtetuese Fiona Papajorgji dhe diskutoi se si mbështetja afatgjatë e Shteteve të Bashkuara për institucionet e zbatimit të ligjit në Shqipëri çon përpara prioritetet e Presidentit Trump: çmontimin e rrjeteve të narkotrafikut dhe krijimin e kushteve të barabarta për bizneset amerikane. Gjykata Kushtetuese luan një rol të rëndësishëm në garantimin e drejtësisë për qytetarët shqiptarë, duke i mbajtur përgjegjës ata që shkelin ligjet e saj dhe duke ruajtur një sistem ligjor të drejtë dhe të parashikueshëm, në mënyrë që bizneset amerikane të mund të lulëzojnë.