Përmbytja e djeshme e Gjirokastrës, krim i paralajmëruar! Të shpallet ‘Gjendja e Jashtëzakonëshme’

Nga Tritan Shehu/

Të shpallet “Gjendja e Jashtëzakonëshme”!

Me 13 dhjetor 2025 Rilindja në Kuvend rrëzoi amendametin tim për një “Fond të Kontingjencës” shtesë në buxhet prej 20 milionë Euro për Qarkun e Gjirokastrës.

Kjo kërkesë bazohej në dy elementë:

1- Në mungesën e një infrastrukture për të mbrojtur atë Qark nga permbytjet, me domosdoshmeri reabilitimi të tyre, që u vertetua edhe gjatë muajit Nëntor.

Gjë për të cilën kërkova 10 M E nga buxheti.

2- Për të kompensuar dëmet e qytetarëve dhe bizneseve nga ato përmbytje.

Gje për të cilën kërkova edhe 10 M E nga buxheti, pra ne total 20 M E, shifër kjo minimale e krejt e përballueshme.

Ky amendament me vlerë 20 M E u rrëzua pa asnjë argument nga Rilindja, duke lënë atë Qark në mëshirë të natyrës e qytetarët në varferi me të thellë.

Ngjarjet e djeshme, ripërseritja e përmbytjeve me dimensione e dëme përherë e më të mëdha, vertetuan domosdoshmërinë e miratimit të atij amendamenti.

Shkatërrimet e infrastrukturës, urbanistikës po thellohen e zgjerohen me shpejtësi në mungesë të masave adekuate.

Pasojat e rënda financiare, logjistike e shendetësore mbi qytetarët si pasojë e braktisjes nga shteti, bëhen gjithmonë dhe më të rënda e të rrezikeshme.

Sot jemi përballë një situate shumë më të rëndë, ambjentale, urbane, financiare e jetese.

Kërkoj shpalljen e “Gjendjes së Jashtëzakonëshme” me kalimin për Qarkun e Gjirokastrës, nga fondi rezervë i urgjencave, të asaj shume prej 20 M E, për të njëjtat qëllime:

—10 M E për forcim të infrastrukturës mbrojtëse.

—10 M E për kompensim të dëmeve ndaj qytetarëve e bizneset.

Ndryshe nesër do të jemi përballë fatkeqësish shumë më të mëdha për Qarkun, varfërie gjthmonë dhe më të dhimbëshme për qytetarët.