VIDEO/ Qytetari akuzon kryebashkiaken e Kurbinit: Janë bandë kriminale, përmbytja nga dora e njeriut

Një qytetar nga Kurbini ka akuzuar publikisht kryebashkiaken Majlida Cara për situatën e përmbytjeve të ditës së sotme.

I ndodhur në mes të ujit që vërshonte në rrugë si lum, qytetari pasi akuzon Carën për bandë kriminale dhe hajdute e bashkisë së Kurbinit, deklaron se uji që po përmbyt zonën nuk po vjen nga mali, por nga deti sepse janë bllokuar kanalet dhe urat.

‘Unë jam një qytetar nga Kurbini, jam në luftë me një bandë kriminale e drejtuar nga Majlida Cara. Sot jam në mes të lumit, ky lum sot është afër shtëpisë time.

Këtë punë e ka bërë vetëm dora e njeriut. Është kanali i prurjeve dhe uji nuk ka ardhur nga mali, por po vjen nga deti sepse janë bllokuar urat.

Unë e pashë sot Majlinda Carën duke u larguar nga mediat, se nuk ka lënë gjë pa vjedhur.

Kryeministër thirri mendjes, populli i Kurbinit nuk ta ka borxh ketë’, thotë qytetari kurbinas në akuzat e tij.