SPAK njofton akuzën edhe bashkëpunëtorit të Ballukut, Ervis Berberi

Prokuroria e Posaçme Kundër Korrupsionit dhe Krimit të Organizuar (SPAK) do të komunikojë një tjetër akuzë ndaj ish-kreu të Autoritetit Rrugor Shqiptar, Evis Berberi, si dhe drejtuesit aktual të  KESH, Erald Elezi. Gazetari i Syri Tv, Fatjon Gjinaj informon se të pandehur do të merren dhe dy shtetas të tjerë, ndërsa për Evis Berberin i cili ndodhet në burg prej vitit të kaluar kjo është akuza e dytë

Të katërt janë të përfshirë si anëtarë të komisionit të vlerësimit të ofertave në procedura tenderimi.

LEXO EDHE: Blackberry i Evis Berberit zbuloi aferën e tunelit të Llogarasë/ Si e orientoi ish-kreu i ARRSH shtetasin grek të futej në tender me ortakun e tij

SPAK njofton se hetimet ndaj tyre kanë të bëjnë me verifikimin e procesit të tenderimit dhe respektimin e ligjit në dhënien e kontratave publike.

Komunikimi i akuzës është hapi i radhës në çështjen që po hetohet nga organi i posaçëm.

LEXO EDHE: Afera 190 mln euro e tunelit të Llogarasë, i pandehur dhe drejtori i ARRSh-së Gentian Gjyli. Njeriu i Ballukut njihet me akuzat

Rikujtojmë se tre ditë pasi mori të pandehur numrit 2 të qeverisë, Belinda Balluku, për aferën 190 milion euro të tunelit të Llogarasë, SPAK i komunikoi sot akuzën dhe një prej njerëzve të saj më të afërt.

Drejtori i ARRSH-së, Gentian Gjyli u paraqit sot në SPAK  në orën 09:00 i shoqëruar nga avokati i tij Andi Skënderi.

Mësohet se i është komunikuar akuza e 'shkeljes së barazisë' për tenderin e Tunelit të Llogarasë.

Edhe 'shefja' e tij Balluku përballet me akuzën  e shkeljes së barazisë së pjesëmarrësve në tendera apo ankande publike.