Sot në orën 10:00 do të nisë në Kuvendin e Shqipërisë një seancë plenare maratonë, ku do të prezantohet përbërja e qeverisë së re dhe programi i saj qeverisës për mandatin e katërt.

Seanca është thirrur me urdhër të kryetarit të Kuvendit, Niko Peleshi, në bazë të rregullores parlamentare dhe dekretit të Presidentit të Republikës.

Rendi i ditës parashikon shqyrtimin dhe votimin e projektvendimit “Për miratimin e programit politik dhe përbërjes së Këshillit të Ministrave”.

Kjo pritet të jetë një seancë e gjatë dhe me debate të forta mes mazhorancës dhe opozitës.