Nga Tritan Shehu

Deklarata e Ramës:

“Europa nuk duhet të presë nga ana tjetër e oqeanit se çfarë do të ndodhë më pas me një plan paqeje”!

Kjo kërkon në esencë të përjashtohet roli i ShBA nga zgjidhja e problemeve madhore në Europë e konkretisht nga procesi i paqes në Ukrainë!

Të çmontojë kështu aleancën themelore Europë-ShBA, të krijuar që nga Lufta e Dytë, të konkretizuar te fitorja e saj, te Plani Marshall, Lufta e Ftohtë, NATO etj etj,

Garanci kjo e pazëvendësueshme e demokracisë, paqes, vlerave, lirive në Botë.

“Rendi i ri botëror” kinez kërkon pikërisht këtë, dobësimin e rolit amerikan, dobësimin e rolit të Perëndimit, pasojë direkte kjo e çmontimit të aleancës Europë-ShBA.

Zëvendësimin e këtij roli nga Kina, Rusia, BRICS etj.

Pra humbjen e garancisë Perëndimore për zhvillimet demokratike Botërore, konsolidimin e konceptit diktatoro-autokratik të shteteve!

Fatkeqësi e regres i madh do të ishte ky për njerëzimin.

Dhe Rama me deklaratën e tij në Bled promovon pikërisht këtë që Kina, Rusia etj, kërkuan në Pekin.

Dhe për të mos haruar në Pekin ishte dhe Vuçiç, iniciatori i “Balkanit të Hapur”, si kundërpeshë ai projekt i rolit të BE dhe ShBA në Rajonin tonë.

Dhe Rama u bë në fakt edhe zëdhënësi kryesor i atij tjetër akti Lindor, largues i Ballkanit Perëndimor nga Europa e Perëndimi, demokracitë.

Sinkron tingëllon në qëllimet e saj edhe ajo iniciativë e para disa viteve, me “Rendin e Ri Botëror” të Pekinit të tanishëm.