Kreu i PD, Sali Berisha ka hedhur dritë mbi përplasjet e brendshme në skenën politike shqiptare për kontrollin e pozicionit të Ministrit të Brendshëm. Sipas tij, kartalet më të fuqishme po përleshen për të siguruar emërimin e kandidatit të tyre në këtë post kyç.

Berisha thekson se aleanca Troplinët, së bashku me Agasin, janë të vendosur për të mbështetur kandidaturën e Vlora Hysenit, një emër me ndikim në qarqet politike dhe biznesi.

Ndërkohë, përfaqësuesit e Elbasanit nuk heqin dorë nga mbështetja e tyre për Taulantin, duke krijuar një skenë të tensionuar dhe të paqartë për të ardhmen e kësaj ministrie.

Berisha paralajmëron se kjo luftë për pozicionin është më shumë se thjesht një çështje personale, duke u kthyer në një betejë për influencë dhe kontroll mbi strukturat e sigurisë dhe policisë në vend.

Pjesë nga deklarata:

Komenti im është ky. Edi Rama i tmerruar nga krimet që ka kryer, nga farsa elektorale, nga damoskja tani me vetëkuptim, si anëtar i organizatës kriminale Sorosiane, është i aftë të marrë çdo vendim në verbëri.

Por ju garantoj ju, se opozita do të qëndrojë fuqishëm me dritën e transparencës. Pavarësisht nga përpjekjet e tij të dështuara, opozita do ti japë transparencën shqiptarëve.

Tani unë thashë se do më pyesje ti mua, se çfarë po zien në kartelet e drogës për emërimin e ministrave të Edi Ramës. Por kjo është kryesorja. 

Priten përleshje të mëdha midis tyre, kush të marrë Ministrin e Brendshëm. Troplinët me Agasin janë për Vlora Hysenin. E keni marrë vesh besoj.

Të tjerë janë për atë Dyrmishin. Ata e lanë Arkend Ballën dhe duan Vlorën tani.

Këta të Elbasanit nuk heqin dorë nga Taulanti.

Tani, betejat po zhvillohen midis klaneve, karteleve të drogës. Mendoj se këto i interesojnë popullit më shumë. Prandaj dhe është detyrë që të ua themi.