Komisioni Hetimor për Shëndetësinë do të mblidhet sot në orën 13:00, pas dakordësisë së palëve për të kthyer punën në normalitet.
Pritet që në mbledhjen e sotme, opozita dhe mazhoranca do të diskutojnë për planin paraprak të hetimit e kërkesat e dakordësuara për informacion.
Teksa PS do të kthehet në tryezën e punës, ka gati edhe propozimin për planin paraprak të hetimit.
Mësohet se Partia Socialiste do të propozojë përfshirjen në planin e hetimit parlamentar të vizitave në terren për të parë nga afër se si janë zbatuar kontratat: ajo e "check up"-et dhe sterilizimit, si dhe intervista të ndryshme me stafin dhe pacientët.
7 hapat e Planit të Hetimit të hartuar nga mazhoranca:
Hapi 1: Përcaktimi i Qëllimeve dhe Objektivave të Hetimi
Hapi 2: Përcaktimi i Kufijve dhe Juridiksionit të Hetimit
Hapi 3: Strukturimi i Ekipit Hetimor
Hapi 4: Planifikimi i Procesit të Mbledhjes së provave
Hapi 5: Seanca të Dëgjimit dhe Analizë
Hapi 6: Raportimi dhe Rekomandimet
Hapi 7: Ndërmarrja e Veprimeve të Mëtejshme.
© SYRI.net