Në studion e lajmeve në “Ora News”, Dhori theksoi se mungesa dhe bojkoti i tyre është totalisht i pajustifikuar.
“Të njëjtën situatë që po ndodh me komisionin hetimor në Shëndetësi e pamë të ndodhte edhe dje me komisionin tjetër hetimor atë të dhënave në sistemin TIMS.
Që do të thotë se kemi të bëjmë me të njëjtin urdhër dhe komandë, që i detyron deputetët e mazhorancës që me çfarë të munden të zvarrisin punimet deri në dështimin e këtyre komisioneve.
Kjo do të thotë që ata kanë frikë dhe janë të detyruar që të mbrojnë zyrtarët e tyre të korruptuar, të coilët janë dhe të përfshirë dhe në këto afera të cilat janë kryekëput korruptive.
Mungesa dhe bojkoti i tyre është totalisht i pajustifikuar, pasi kemi qenë të hapur për t’i organizuar mbledhjet sipas orareve të përshtatshme.
E kanë detyrim ligjor që të jenë aty në mbledhje dhe ne i kemi dërguar një letër nsi kryetares së Kuvendit për të marrë masat për t’i zëvendësuar ata nëse ata nuk duan të jenë pjesë e këtyre komisioneve”, u shpreh ndër të tjera ligjvënësja demokrate, Ilda Dhori.
© SYRI.net